自從食過Mrs. Bear整嘅蛋白餅後，一直都想整，
咁啱同個仔講開，原來佢都好鍾意食，
仲成日買嚟食，不過外面嘅太甜，
自己整就剛剛好，當我有啲千年蛋白嘅時候，就最啱整喇。
蛋白打到起勾就得
今次整長方型
個忌廉餡自己調，冇加糖，剛剛食出生果味道，
實在太好味，又太易做，以後有蛋白多一定會再做。
8"蛋白餅 - 食譜來自Mrs. Bear
蛋白150g, 糖霜110g, 黃糖45g, 1茶匙白醋或檸檬汁, 半湯匙粟粉
糖霜, 黃糖及粟米粉拌勻, 另一大碗打起蛋白, 分幾次加入糖, 最後加入檸檬汁打至起勾即可。
入盆, 做圓型也可，用140度焗一小時, 完成後打開焗爐至凍才取出。
忌廉餡 : 淡忌廉1杯打起加入半杯酸忌廉拌勻
放上忌廉餡加生果即成
哈哈，希望係到有排唔駛走啦! 想請問下，因為我真係好怕甜，蛋白同糖接近一比一，可唔可減糖，會唔會整唔到型呢?
回覆刪除你先試呢個做一半份量, 我自覺唔甜, 因為忌廉個PART冇糖架, 加埋水果一啲都唔甜, 個餅你減糖怕唔脆.
刪除好開心,妳揾到新屋啦
回覆刪除非常喜歡睇妳的blog,圖文並茂,還推介朋友睇
永遠友持妳(y)
多謝, 我地要不停交流.
刪除多謝
刪除繼續分享食譜非常開心
回覆刪除不停交流
刪除hihi......我地無失散了 ^^
回覆刪除moon, 我都好白痴架, 唔識整, 好唔掂, 要add番你先.
刪除你個blog係我第一個bookmark既新blog,好開心以後可以繼續睇,我響你度學到唔少野呀.好似你話用塊百潔布黎省檸檬,塊布我都有但我唔知可以咁用,我以為會連啲檸檬青都省走埋,我平時只會用洗蔬果既清潔劑浸,下次我會試你個方法.
回覆刪除呢度都係暫時放住先, 最想要番以前Yahoo啲blog.
刪除此留言已被作者移除。
回覆刪除再做隣居啦~ 打個招呼先~~ :)
回覆刪除add u
刪除想問下呢個餅如果預先一晚整好第二日食, 會唔會比啲cream搞到淋晒唔脆? 因為想試整黎送比人!
回覆刪除你可以晚上先焗餅, 包好佢, 唔洗放入雪柜, 打好個cream, 第2日先組合上cream及生果, 應該會脆啲, 上次我食剩咗, 第2日食都ok, 因為係外脆內軟.
刪除