反面教材

煙肉焗薯唔難整，不過今次買咗個薯仔，焗咗成40分鐘都唔焾，

真係比想像中難食，但其他材料及方法係值得一試，只不過要轉過一啲會焾嘅薯仔先得。

先切成一片片，但不是切斷的，好像風琴即可。

最重要沖水，洗走多餘的蛋白質，薯仔會爽口一啲。

上油，盡量連切開嘅地方都掃油。

下鹽、香草、黑椒及煙肉，入爐用180度焗30分鐘。

中途加芝士碎，焗一會可取出，加酸忌廉上碟。

反面教材之二，煎牛扒，全部步驟都正確，只要最後rest牛扒時，

心想牛扒會熱些，放錯了在Grill Pan上，最後well done了。

先預熱grill pan大約3至4分鐘，至出白煙，剪下牛扒的肥膏當油，掃勻在pan上，

此時才下鹽、香草及黑椒去調味，這塊一寸厚的美國肉眼扒，只是4分鐘可煎好，

不過之前要室溫6小時才煎。

一寸厚的扒，7成熟，如果是共煎4分鐘，即是每邊2分鐘，

如果要煎有格仔紋，即是1分鐘煎完就90度轉，煎多1分鐘才反轉另一面。

先打橫肉煎1分鐘，

再轉打直，即是90度轉，煎多1分鐘，

再反轉面同上一樣煎法。

完成後一定要用鍚紙包好rest 10分鐘，最好用一隻暖碟放上，

不要像我自作聰明，以為可以保暖，放在pan上，除非你喜歡食well done的扒。

以上的反面教材足以打沈我的意志。