桂花糖

上星期無意中睇到有人做桂花糖，原來幾易做，

可以自己做定小小，用來煲酸梅湯或者做桂花糕都好，

於是有人出桂花比我，我負責整，不足半小時就做好了。

只係用20g乾桂花，170g麥芽糖，一湯匙蜜糖即可。

先將桂花加小小鹽及水浸下，其實係用嚟沖走啲塵，

都幾多塵下，我沖咗幾次先可以用。

之後就隔乾水

加入麥芽糖，唔洗攪拌，蒸20分鐘

原來隻All Clad都可以fit到個美亞蒸籠，真係意外驚喜呀

 

蒸完就係咁樣，此時加埋啲蜜糖攪拌好，就可入樽。

放涼後入雪柜，3日就可以用得。

下一步諗下點用呢樽野先，又有多一樽野係雪柜喇。