腐竹白果猪肚湯

呢個腐竹白果猪肚湯非常滋潤，又暖胃，係以前我外婆先會煲，

佢過咗身之後都冇人煲過，我都係細個飲過就愛上咗，

愛上烹飪之後，就學煲，呢個湯比猪肺湯仲難煲，

猪肺而加有肉檔代洗，可以用肉眼睇到乾唔乾淨，

但係猪肚就唔可以用肉眼睇到乾唔乾淨，

睇到以為乾淨，但係洗得唔好，煲完都唔飲得，

猪肚買番嚟要用粟粉及鹽洗擦，白鑊烘乾，

用刀括乾淨，剪去肥膏及黃色部份，再出一出水，

就應該冇問題，加埋白果、意米、馬碲、腐竹及排骨一齊煲，

3個小時煲好，試一試冇味就可安心加鹽。

冬菇馬碲蔥大頭菜蒸肉餅

溝米健康飯，煲一杯米，有2碗飯，

半杯白米，2湯匙黑糙米加珍珠米到一杯份量，

用一杯水再多一湯匙，用14BB先煲滾，

即轉細火煲6分鐘，再焗15分鐘即可。

雲耳炸菜炒小白菜