小旋風卷

近呢幾日在FB見到啲得意食物，就係用啫哩粉同棉花糖整成嘅小旋風卷，

我一見到咁得意又即刻要玩，睇完條片就去咗CC叔婆買盒Jell O，

以為用番完裝正版會好啲，但係徐咗貴之外，係冇分別嘅，

就睇下點整啦!

 

一盒啫哩粉只用80g，我呢盒係大嘅，可以分2次用。

一個大約6" x 9"嘅玻璃盆，掃油先。

 

棉花糖唔理佢大粒定係細粒，用大約50g就夠，我怕太甜。

魚膠就用4g左右

熱水160g，先溶咗啲啫哩粉同魚膠。

再加入棉花糖，我用大粒嘅8粒，所以要切細粒啲易溶。

叮完一分鐘攪勻

 

倒入掃咗油嘅盆內，靜止5分鐘。

5分鐘後你會見到佢分咗2層，咁就要雪入雪柜1小時，之後就可以卷喇。

卷好用牙線分割，不過我今次都係用刀，所以分得唔靚。

 

大家睇下條片就明哂，佢冇落魚膠，不過用小小會好卷啲。